Bu kölgə yaradan qurğular həm kommersiya, həm də yaşayış binalarında təbii işığı optimallaşdırmaqla və ən əsası günəş istiliyini azaltmaqla sakinlərin rahatlığını təmin edən memarlıq həllidir. Günəş istiliyinin azaldılması ilə binanın mexaniki soyudulması ehtiyacı minimuma enir və binanın enerji effektivliyi yüksəlmiş olur.
Kölgə yaradan qurğular məkanın içərisində yoxsa çölündə quraşdırılmalıdır? Effektivlik göstəriciləri bu məsələyə özü aydınlıq gətirir. Məkanın daxilində quraşdırılan sistemlər günəşdən gələn istilik enerjisinin 35-65%-ni blokladığı halda, xarici kölgə yaradan sistemlər düzgün seçilmiş şüşə ilə tandemdə bu enerjinin 85-95%-ni bloklamağa qadirdir. Xarici gün qırıcı sistemləri günəş istiliyini şüşəyə çatmamış bloklayır.

Gün qırıcı sistemlərinin əsas funksiyasından başqa həm mühəndislər, həm də memarlar üçün bir çox başqa tətbiq sahələri mövcuddur. Onları həm də aşağıdakı məqsədlər üçün istifadə etmək mümkündür.

• Binanın xarici cəlbediciliyini artıran, görünüşünü canlandıran, yadda qalmasını təmin edən dizayn aləti kimi.

• Fasadı təbii ventilyasiya ilə təmin edərək binanın "nəfəs almasına" imkan yaratmaq, yağışın və zibilin binaya daxil olmasına mane olmaq üçün.

• Vizual səs-küy yaradan, xoşagəlməz avadanlıqları gizlətmək üçün sadə, lakin effektiv memarlıq həlli kimi.